ఆచార సాంప్రదాయాలు 1
ఆచారమంటేనే అంతెత్తునుంటావు
వ్యవహారమంటేనే వల్ల కాదంటావు
సాంప్రదాయమంటేనే సాకులు వెదుకుతావు
ఆద్యాత్మికమంటే..అంతా మిధ్యేనంటావు . .
కుల మతాలంటూ కుళ్ళుడెందుకయ్య
కుత్చితమున పూర్వీకులపై కుతకుతలు
మను ధర్మమును ప్రశ్నించ మనమెంత
కాచి వడబోసిన కమ్మన్ని నెయ్యది నమ్ముము...
అలవాట్ల ఆసరాల ఆనవాల్లేమో..
బండ గుర్తుల బాగైన చిహ్నములేమో ..
మెండైన వృత్తుల గౌరవమ్ములేమో ..
పరిపాలనల సౌలభ్య సంకేతములేమో....నాడు
పని పాటలు పండించిన పద్దతులేమో....
నాణ్యత నైపుణ్యతల ఒరవడులేమో.......
మాట చురుకుల మతుల మెరుపులేమో ...
మంద గమనాల మొద్దు నిద్రలేమో....
తిండి తిప్పల్ల దండి పద్దతులేమో ....
మలిన మాంసహారాల ముచ్చట్లేమో....
మత్తులు వదలనన్న చిత్తములేమో......
శుచి శుభ్రతల శుభ మెళకువలేమో....
నిరక్షరాస్యత నిర్లిప్తతల నీడలేమో
ఉమ్మి చెమ్మను కాలరాసిన ఉదంతములేమో
ఆకు చుట్టను జేర్చి అంటించిన పొగాకులేమో
కాకి పిల్లలు కాకికి ముద్దులే కద సోదరా...
ఎంగిలి మంగళములన్న ఏవగింపులేలనయ్య
హెపటైటిస్ బి సశాస్త్రీయత రుజువులున్నవి కాదా
ఏ మాంస హారములైతే ఏమౌవుతుందిలే అనెదవేమో
ఎన్ కెఫెలిటీస్ బ్రెయిన్ ఫీవర్ వరాహ వరములే కాదా
బర్ద్ ఫ్లూలన్న మలిన కుక్కుటముల మరకలే కద సోదరా ....
ఎదురులేదు నాకంటూ
ఎదురైనది తిన్న ఫలితమే కద
ఎల్ల విశ్వము నేడు గొల్లుమనుచుండె
ఏకాకులను చేసి బంధాలను విడగొట్టి....
మనిషి సైతం మల మూత్రములు తిత్థే కదా
మర్మమెరిగిన మనము మతిన మసలుకో రాదా
శుభ్రపరుచంగ తాకమె సుందరమౌ కరములు
చెవి ముక్కు కను తీరులే కాదు అచట ఇచట
తీరొక్క అంగము రీతైన పని జేయ.....
ముక్కును తాకంగ ముదముగ చూపుడు వేలు
చెవిలోన గుబిలిని చెంగుమనిపించు చిటికెన వేలు
ఒకటికైన..రెంటికైన.. తప్పని వామ హస్తము
మలినం మనదేనని మాటిమాటికి తాకెదమా
మలినమని ముట్టకుండ మానుకుందుమా....!
మానవాంగములైన.. మనుసిద్దాంతములైన..
మర్మమెరిగి నడచుటే మనుషుల ధర్మం
కలుపుకుని సాగుటే మానవ జీవితం
తిరగబడి సాగిందా బతుకు జీవుడు గోవిందా....
అవసరాలకు అత్యవసరాలకు ఆదుకుంటూ.....
ఆనక అవసరాన శుభ్రపరుచుకుంటూ..
అడుగు ముందుకేయుటే కద ఆంతర్యము..
భుజం భుజం కలిపి నడువుము..
అడుగు ముందుకేయుము సోదరా....!
హస్తమందు నిలిచిన ఐదు వేళ్ళు
ఆకారమందు వింత బేధములు
అయినను కలసి కట్టుగ నిలుచు
ముద్ద నోట కందించు ముదమున...
సనాతనమైనా సంప్రదాయమైనా
అంతా సశాస్త్రీయతే హైందవాన ....
అందరికి అందరు విడమరువ లేదేమో
మనకై మనం వడిగా నేర్చుకోలేదేమో...
నగునూరి రాజన్న
కరీంనగర్
No comments:
Post a Comment