గుడ్ ఫ్రైడే
తేది-10-04-2020
శీర్షిక- హోలీఫ్రైడే
సంఖ్య-390
జీవితమంటేనే చిత్ర విచిత్రాలు
కష్టసుఖాల కావడి కుండలు
సుఖదుఃఖాల సుడిగుండాలు
అనుకున్నవన్నీ జరగవు...అనుకోలేదని ఆగవు....
పుర్రెకో గుణం జిహ్వకో రుచి
మనిషి మనిషికో ఆలోచన
ఆలోచనలెన్నయినా అందరి
మెప్పు పొందితేనే అజరామరం.....
అధర్మం అన్యాయం అసత్యం
అధికార గర్వంతో హడావుడి చేసినా
అశాశ్వతాలని రూఢి అవుతానే ఉంటాయి....
విలంబమైనా విధిగా గెలిచేది
సత్యధర్మన్యాయాలే నిక్కచ్చిగా....
ప్రజా క్షేమం కోరాల్సిన పాలకులు
పక్కదార్లు తొక్కుతూ తప్పుదారిన నడుస్తూ
మంచికోరిన మహాత్ముడుని వంచించి
శిలువ వేసిన పవిత్రమైన రోజు......
మంచి బోధనల కరుణామయుడై
ప్రజలను రక్షించిన పవిత్రమూర్తి
ఈస్టర్ ముందొచ్చే శుక్రవారం
మహాత్ముని మరణ జ్ఞాపకాల హోలీఫ్రైడే....
నగునూరి రాజన్న
హైదరాబాదు.
No comments:
Post a Comment