మాతృభాషాభిమానము
తేది 06-04-2020
శీర్షిక - స్వచ్ఛమైన అభిమానం ....
సంఖ్య - 386
అచ్చులతో అంతమయ్యే
అందమైన భాష తెలుగు
అమ్మ నోట తొలి మాట
అమృతాలొలుకు మూట
ఏబదారు వర్ణాలతో
ఎలికైన పురాతనం
సహస్రాధిక వత్సరాల
సహవాసం తరాలది....
వ్యాకరణ ఛందస్సులతో
వ్యాప్తి చెందిన మధురిమలు
పలు రకాల పద్యాలతో
పంచభక్ష్య పరమాన్నం....
అవధానాల అలంకృతం
అంగుష్ఠ, నేత్ర , అక్షరాది
అధునాతన ప్రక్రియల
ఆలవాలం మన అమ్మభాషలో ....
అయినా....
భాషాభాగాల భయం వద్దు...
సంధి సమాస సమీపాలొద్దు
అలంకారాల ఆభరణలొద్దు...
సరళమైన భాషపై స్వచ్ఛమైన
అభిమానం చాలు....
నగునూరి రాజన్న
హైదరాబాదు.
No comments:
Post a Comment