మట్టివేళ్ళు
27-03-2020
శీర్శిక . మనకు పుట్టినిల్లు...
సంఖ్య : 378
మట్టివేళ్ళు మనకు పుట్టినిల్లు
మనిషి పుట్టుకకు చిరునామా
గిట్టినా.. తనే అక్కున చేర్చుకునేది
పుట్టుక నుండి పుడమి చేరువరకు
గట్టిగ మనిషి మట్టినే నమ్ముకున్నడు
మట్టిన పుట్టిన చెట్టు.. తోబుట్టువే
మనిషికి శ్వాసనిచ్చి పోషణ చేస్తుంది
వేళ్ళు మట్టితో ముద్దాడితేనే
మట్టి వేళ్ళతో పారాడితేనే
పట్టుబట్టి మనకు తిండి దొరికేది
పండయినా కాయయినా పంటికిందికి...
మట్టి ఎంత మంత్రించినదో కదా
తీపి చేదు పులుపు వగరు కారం
సప్తవర్ణాలతో సైతం అలరిస్తుంది
మట్టి నీరు తోడైతే పంటలిచ్చి ఆకలి తీరుస్తుంది....
మట్టి చెట్టు తోడైతే మనిషికి
సువాసనలు వెదజల్లుతుంది...
సుప్త చేతనావస్తకు దారితీస్తుంది...
అది ఇది అను తేడాలు లేవు ...
అన్నీ తానై అమరుస్తుంది....
స్వార్థం వదిలితేనే సంఘం నిలుస్తుంది
గట్టి నిర్ణయంతోనే మట్టి చెట్టు దక్కుతుంది
మట్టి...చెట్టు.. దక్కితేనే మనిషికి చిరునామా
మనిషి మిగిలితేనే మంగళకరమైన విశ్వం...
నగునూరి రాజన్న
హైదరాబాదు.
No comments:
Post a Comment