శీర్షిక: ముందు నుయ్యి వెనక గొయ్యి
(కరోనా -5)
కరోనా....కరోనా...కర్ణ కఠోరమాయె కదా !
కంచెలన్నీ దాటుకుని రానే వచ్చింది
కనుచూపు మేరలోన గడప దాటి నిలిచింది...
కాలు బయటపెడ్తే కబళించాలని చూస్తున్నది
కఠిన నిర్ణయాలను సూచనలను
క్రమశిక్షణతో పాటిస్తేనే బతుకు బండి.....
తుమ్మయినా సరే తమ్ముడు దూరమే
జలుబు జ్వరమయితే క్వారంటైనే మందు
కనపడని సూక్ష్మక్రిమే కదా అని నిరాదరిస్తే
రక్షణలేని మోక్ష కర్మకు మార్గమేర్పరుస్తుంది....
ముట్టుకుంటే పట్టుకుంటదంటే
పట్టుకోకుంటే పట్టుజారదా ఈ జీవితం
ఎట్టాగబ్బా గట్టు జేరేది జీవితం పొద్దు
గుట్టు తేల్చే మొనగాడు ఎప్పుడొచ్చేది?....
ముందు నుయ్యి ఎనుక గొయ్యయింది బతుకు
రెక్కాడితే కానీ డొక్కాడని జీవితాలే ఎక్కువాయె
ముందుచూవు లేని మురిసే తరమాయె
కూసుండి తింటే గుట్టలేంది కొండలు కూడా.....
నగునూరి రాజన్న
No comments:
Post a Comment