కరుణ రసం
20 -04 -2020
శీర్షిక : అసలైన కరుణ...
సంఖ్య : 398
కనులలో చూపించేదైనా
కళలలో ప్రదర్శించేదైనా
కవాతు చేయాల్సింది గుండెల్లో
కనికరించాల్సింది మనసులోతుల్లో..
కళ్ళలో ప్రదర్శితమయ్యే భావనకు
ఎదను పట్టి పిండే మెలిక స్పందన
ఎదురుగ ముందు కన్పించాలంటే
నిజముగ నువ్వు ప్రదర్శించాల్సిందే....
యుగాలు మారగానే ఒంటికాలైన ధర్మం
ధైర్యాన్ని కూడదీసుకుని పోరాడుతున్నా
కనికరించి కరుణరసం చూపేవాళ్లే
కరువవుతున్నారు రోజు రోజుకి .....
కళ్ళు తెరిచి కలిమాయలో పడ్డాడో లేదో
కాసుల వెంటే మనిషి పరుగో పరుగు.....
కనికరం జాలి దయ క్షమా కాకరకాయ
మానవత్వం మంచితనం అంత ట్రాష్ .....
కడుపుకు పట్టెడు అన్నం పెట్టే రైతన్నకు
కష్టమొచ్చి ఏదైనా కార్యాలయమెల్తే
అంటరానోన్ని చూసినట్టేనాయె
ఆరా తీసి అక్కున చేర్చుకుని
ఆర్తిగా పని చేసి పెట్టే అసలైన కరుణ ఏది .... ?
నగునూరి రాజన్న
హైదరాబాదు.
No comments:
Post a Comment