మనసు గతి ఇంతే

అంశం -మనసు గతి ఇంతే

తేదీ - 20-08-2019

శీర్షిక - సర్దుకుంటున్నం..... 

సంఖ్య - 266

అనుభూతులు కోరికలకు ఆలవాలం 

ఆలోచన అభిప్రాయాలకు మూలం 

ప్రేమ ద్వేషం సంతోషం దుఃఖం 

ప్రవర్తన నడవడి స్థితులకు సంకేతం.....  

సత్యం ధర్మం న్యాయం చదివాం 

సంధి కాలపు సంరక్షణలో పెరిగాం

సరాగాలు వల్లిస్తున్న దళారులగణం    

సన్నగిల్లుతున్న కాలచక్రం సాక్షం .... 

అత్యధికులు పీడితమన్నది నిజం  

అక్కడక్కడా లేవనెత్తితే అణగదొక్కడం...  

అరికడితే ఎంత బాగుండునని

ఆమ్ ఆద్మీల ఆలోచనా విధానం.....  

అందుగలదు ఇందులేదనే 

సందేహమే వలదు వలదు .... 

అసెంబ్లీ ఆవరణలనుండి  ప్రారంభం 

సచివాలయాల సాక్షిగా సాగుతున్నది.....  

మరుపు మానవ సహజమంటాం .... కాని

అప్పుడప్పుడు ఆధీనమవదు  

మరవలేక మననం చేస్తూ మనసు పొరల్లో 

నిక్షిప్తమై మనోవ్యాధిని కొని తెచ్చుకుంటాం.... 

అప్పుడప్పుడు వింటేనే విదిలిస్తాం 

ప్రత్యక్షమైతే మాత్రం పరకాష్టం

అనుభవిస్తే  అవుతుంది నరకం 

కష్టమైనా కళ్ళుమూసుకుంటున్నం.... 

మనసు గతి ఇంతేనని సర్దుకుంటున్నం.... 

నగునూరి రాజన్న 

కరీంనగర్ (ప్రస్తుతం: USA)