అంశం - ఆహార్యం
తేదీ - 19-08-2019
శీర్షిక - కట్టూ బొట్టూ హావభావాల...
సంఖ్య - 265
తండ్రి మాటకు గౌరవం
తనయులకది శిరోధార్యం
సిరి సంపదల తృణీకారం
నార వస్త్రాల అవతారం
శ్రీరాముడతని నామధేయం ....
మడత నలగని ఖద్దరు
నడత నిలవని పొద్దులు
చిలక పలుకుల సుద్దులు
ముందు వెనక లేని హద్దులు
జనం నమ్ముతున్న నాయకులు....
ఆడైనా మగైనా అవసరం
అలంకరణ కాలానుగుణం
అమరుతుంది కుదిరితే భౌగోళికం
అందునా వేషానికి తగ్గ భాష్యం
నడుస్తున్న నాగరికతకు చిహ్నం....
కాలానుగుణమైతే కమనీయం
భౌగోళికానుగుణమైతే సౌకర్యం
కట్టూ బొట్టూ కలిస్తే సంస్కారం
సంస్కార హావభావాల సమాహారం
చిరస్థాయిగా నిలిపే ఆహార్యం .....
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment