అంశం - చంద్రయానం
తేదీ - 01-08-2019
శీర్షిక - మన మామ
సంఖ్య - 251
అమ్మ గోరు ముద్దల పరిచయం
ఆదిత్యుని ఉష్ణం మింగిన వైనం
అత్యంత శీతలం ఆ ప్రకాశ కిరణం
ఆరు బయట పంచుకున్న ఆనందం
పేద రాశి పెద్దమ్మను పోల్చుకున్నం
పెన్నిదైన కవిత్వాలకు మూలాధారం
ప్రేమ జంటల ఊహలకు నిలయం
ఎన్నో సుమధురమైన పోలికలకు ఊతం
సృష్టిలోనే విశిష్టం మానవ జన్మం
సృజన వైవిధ్యం బహు సుందరం
శోధన సాధన మానవ అనన్య మేధం
అన్వేషణలోనూ నిరంతరం అనితరం .....
భూమి గుండ్రమని... గ్రహాములని...
ఉపగ్రహాములని.... పాలపుంతలని... ...
పరిసరాలన్నీ శోధించడం మానవ లక్షణం
పట్టుబట్టి నిర్దారించుకోవడం మానవ నైజం
ఆధ్యాత్మికంగా అరుదైన అపురూపం
శాస్త్రీయంగా అనువైన ఉపగ్రహం
భారత అంతరిక్ష శాస్త్రజ్ఞుల నైపుణ్యం
దేశ ప్రజల దశాబ్దాల కోరిక సఫలం
సాంకేతికత చంద్రయాన్ 2 గా పయనం
నగునూరి రాజన్న
కరీంనగర్ (ప్రస్తుతం USA)
No comments:
Post a Comment