అంశం -తెల్లకాగితం
తేదీ - 26-08-2019
శీర్షిక - హంస వాహిని ప్రతిరూపం....
సంఖ్య - 271
ప్రతి రంగు కాగితానికి ఓ పరమార్థమున్నట్టే
ప్రతివారినీ సాదరంగా ఆహ్వానించేదే తెల్ల కాగితం....
ప్రజలను పాలించే విధి విధానాలను
వివరించే ప్రభుత్వాల అధికార పత్రం....
వినియోగదారే నా దైవమంటున్న వ్యాపార వాణిజ్యాలలో
ఉత్పత్తుల గుణగణాలను ఉటంకించే పత్రం.....
విజ్ఞాన సముపార్జనకై విద్య నేర్చుకోడానికి
విద్యార్థికి వరమయ్యే వేదిక...
కవితా బాల్యాన కకాబికలై
పదం దొరకక వాక్యం కదలక
పొంతన కుదరక భావం కలువక
లెక్కలేనన్ని తెల్లనివి చిత్తుపరిస్తేనే ....
అచ్చమైన చక్కని రూపం చిక్కేది....
అందమైన భావ సంపద పంచేది....
కనీసం పది పదిహేనయినా చెడగొట్టనిదే
కమనీయమైన రూపం రాలేదు...ఆ రోజుల్లో
ఇప్పుడంటే అన్నీ E తెరలేనాయె
ఇష్టమొచ్చినంత ఇగురింప చేయొచ్చు....
అమ్మ హంస వాహిని వీణాపాణి
బాసర వాసిని ప్రతిరూపం.....
ఏదైనా ఎప్పుడైనా ఎక్కడైనా ....
అందరికి అందుబాటయ్యే తెల్ల కాగితం/తెర...
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment