మట్టి పాదాలు 2

అంశం - మట్టి పాదాలు 2 

తేదీ - 16-08-2019

పంచభూతాల అవపోశనం  

పసిడి మనసు కలిగిన శిల్పం 

మానవాళి పోషణనకు పెట్టని కోట

మట్టిని నమ్ముకున్నది నిజం  

పక్కవారికి హాని తలపెట్టని నైజం 

స్వయం శిక్షలకు జంకని ధీరత్వం .... 

మట్టి పాదాల మన రైతన్నలు..... 

త్రిమూర్తులే తోడైన వరం  

దీక్ష దక్షతలకు మరో రూపం   

చతుశ్శత వత్సరాల తేజోమయం  

తెలుగుతల్లి నేల నేలిన తరం 

శాలివాహనుడను నామధేయం  

చక్రమే చక్కని రూప చిహ్నం 

నిష్కల్మష బంకమట్టి చేతిలో నాట్యం   

పాత్ర సృష్టి కళ అనన్య సామాన్యం

మట్టి పాదాల మన కుమ్మరన్నలు....    

విశ్వకర్మకు వారసత్వం 

సుందర నిర్మాణాల హస్తం   

ఇంద్ర భవనాల నిర్మాణం  

కడుపు నిండదు కాలు సాగదు  

పొద్దు నిలవదు పూట గడవదు

మట్టి పాదాల మన సుతారన్నలు ..... 

స్త్రీ శిశు హత్యల పాప పరిహారం  

వీరభద్రుడి మరు అవతారం 

మడేలయ్యగా పొందిన వరం 

వాగు వంకల తటాకాల సావాసం

మైల బట్టలుతికేటి విన్యాసం   

మట్టి పాదాల మన రజక సోదరులు .....  

అందరు కలిస్తేనే సంఘ జీవనం 

సుందరమయిన జీవనసత్యం ...