నగరంలో వాన 2
22-08-2019
వాన పడితే నగరం
నావ నడిపే సాగరం
చినుకు పడితే పట్నం
చిత్తడి బతుకుల జనం
పంటలెరుగని పట్టణం
వంటలు తెల్సిన మాలోకం
వర్షమొస్తే పని దండగ
అది ఎలిస్తేనే పండగ ....
నల్ల కలువలాంటి రహదారి
పంట కాలువలై పరుగెత్తు
జయ్యుమనే వాహన బార్లు
పదుల మైళ్ళ బేజార్లు
బడి పిల్లల బందోబస్తు
అవుతుంది బతుకు భారం
రెక్కాడితే కాని డొక్కాడని
శ్రమ పనులకు బంధం....
నలిగిన నాలాల ఆనవాళ్లు
చెదిరిన మూతల చెడుగుళ్ళు
విలువైన ప్రాణాల గల్లంతు
గాలిలో కలిసే తృణప్రాయాలు.....
కదలిక నిదానపు వాన పాములు
రాబడి మరిగిన పాలకులు
మేధ కలిగిన అధికారులు
జాడ తెలియని పద్దు ఖర్చులు.....
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment