అడవి కాచిన వెన్నెల

అంశం: అడవి కాచిన వెన్నెల 

తేది:08-08-2019

శీర్షిక : ఉక్కుభావం ఒక్కటైన శుభసమయం... 

సంఖ్య : 257 

పచ్చ తివాచీ పరచిన  మైదానాలు .... 

పండు వెన్నెల్లాంటి మంచు కొండలు...  

అందాలారబోసిన లోయ ప్రాంతాలు....  

అద్భుతమైన ప్రకృతి రమణీయాలు .... 

స్వాతంత్య్రం వచ్చినా సమస్యాత్మకమే... 

దెబ్బదేండ్లు గడిచింది ఇబ్బందిగానే...  

కన్నవాళ్లకు కట్టుకున్నవాళ్ళకు .... 

ఉన్న వాళ్లకు ఉండబోయే వాళ్లకు.... 

అట్టుడికే పరిస్థితుల ఆనవాళ్లు 

ప్రశాంతత కరువైన పట్టణాలు 

తృప్తినివ్వని నిత్య పర్యాటకం 

పొట్టనింపని అంటిముట్టనితనం 

పొరుగు నష్టం  పొందు లాభం చందంగా 

బ్రతుక నీయని హేయమైన రాజకీయం....   

ముంచుకొచ్చే ముష్కరుల నీలి నీడలు   

చుట్టుముట్టే  తావులన్నీ నిప్పులకొలిమే.... 

ఎప్పుడేంటో చెప్పలేని మన ఏలికలు  

దేశ ప్రజల చమటంతా దేవిడీలకే..... 

ఎన్నాళ్ళు ఈ పేరు లేని అగచాట్లు 

ఉక్కుభావం ఒక్కటైన శుభసమయం... 

 

ప్రకృతి కాంత పసిడి అందాలను 

అడవికాచిన వెన్నెల కాకుండా ఒడిసి పట్టే 

సుందరమైన కాశ్మీరం అందరికి అంటూ 

సువర్ణాధ్యాయానికి సుస్వాగతం ...... 

నగునూరి రాజన్న