అంశం - స్నేహపరిమళం
తేదీ - 03-08-2019
శీర్షిక - స్నేహపరిమళం
సంఖ్య - 253
ఆత్మీయతల అమ్ములపొది అమ్మ నాన్నలు
అనురాగాల పూదోటలు తోబుట్టువులు
అనుబంధాల ఆయువు పట్టు ఆలు బిడ్డలు
కుటుంబ బంధాలు జన్మతః సిద్దించ....
కలతలెరుగని సంతోషాల మమతల మధురం
కలిమి వర్ణములెరుగని నిష్కల్మష శ్వేత మల్లెల సౌధం
హద్దులెరుగని శుద్ధ అంతరిక్ష గగనసీమతలం
అపురూప బంధమే బంగారు స్నేహపరిమళం ...
ముందు వెనుకల దన్ను నిలవడం
ఆపదలో ఆదుకునే ఆపన్న హస్తం
కష్టమున నిష్టూరమెరుగని కర్మయోగం
కర్ణుడందుకు తగిన ఉదాహరణం ......
అప్రకటిత రహస్యాలు పంచుకునేది
మృదు కవచమై ముళ్లనుండి రక్షించేది
ప్రత్యక్ష పరోక్షాలలో ఉన్నతిని కాంక్షించేది
గమనం జోడించి గమ్యం చేర్చేదే స్నేహ పరిమళం....
అలల జీవన పయనంలో ఆపద చుక్కానిగా
నిశి రాతిరిలో గతి చేర్చే మిణుగురు వెలుతురయ్యే
నిత్య స్నేహ పరిమళాలను శ్వాసిస్తూ
కొత్త కొత్త జీవన గమ్యాలను సాధిద్దాం.......
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment