అంశం - వంటిల్లు
తేదీ - 13-08-2019
శీర్షిక - అంతా సమానమే....
సంఖ్య - 260
అమ్మల చేత కమ్మని రుచుల
ఆత్మీయతల మాయాజాలం!
అవిభాజ్యాలలో అర ఘడియ
అవిశ్రాంతత నెరుగని అతివల నిలయం!
ఇంటింటికి మంటిపొయ్యేనన్న
ఈశ్వర సత్యం ఈనాటికి నిజం !
ఇంటిల్లిపాదిని ఉత్తేజపరుచు
నోటి రుచులనెఱిఁగి ఇలవేల్పుగా!
ఉన్నఫలముగ ఊరడించు
ఊయలలూగే పిల్లలను సైతం !
రూపాలెన్నయినా భేదమెరుగని
రంగు రుచి వాసనల సరంగు!
ఊసులయినా "రుచి పచి"వైతే
ఊయలూగును మనసు తనువు!
ఉపాయమెరిగి హుషారుగా ఉద్యుక్తమైతే
ఉల్లమెరుగు సంతోషం! కాయమెరుగు ఆరోగ్యం!
లింగబేధములు ఎంచుటేల
వారు వీరయి కార్యశీలురైన వేళ ......
వట్టి మాటలు కట్టి పెట్టి
గట్టి మేలు తలపెట్టవలసిందే....
నగునూరి రాజన్న
కరీంనగర్ (USA)
No comments:
Post a Comment