అంశం : స్పర్శ
04-09-2018
సంఖ్య : 48
శీర్షిక : స్పర్శకై
కానుపంటేనే మరో జన్మ
అయినా వెరవదు అమ్మ
పసిడి నవ్వుల పాపాయి స్పర్శకై !
పోలికేకల బాల శిశు
పొలమారి రోదించు
అమృతమయమైన అమ్మ స్పర్శకై !
తప్పటడుగుల బాల్యము
తపించి తమాయించుకునేది
తనువు పంచి పెంచే తండ్రి స్పర్శకై !
విజయ కాంక్షపు విద్యార్ధి
విల విల లాడేది
గురి కలిగిన ఆత్మీయ గురువు స్పర్శకై !
అలనాటి వైద్య సేవలు
ఆనవాళ్ల ప్రతీకలు
అమృతమయమైన వైద్య సపర్యల స్పర్శకై !
చరమాంకాపు జీవితాన తల్లి తండ్రులు
చకోర పక్షుల్లా ఎదురు చూసేది
తమ పిల్లల ప్రేమాన్విత పలకరింపు సేవల స్పర్శకై !
పంచ భూతములన్నీ
సదా పరితపించేది
ప్రతి క్షణం జీవరాశిని మురిపించే స్పర్శకై !.
No comments:
Post a Comment