బృందా విహారి

అంశం : గోకులాష్టమి 

శీర్షిక : బృందా విహారి 

03-09-2018

సంఖ్య : 47

దేవకీ సుతుండు దైవాంశ సంభూతుడు

అష్టమ గర్బంగా అవతరించాడు.  

అష్టమీ తిథియందు కష్టములు బాప 

అష్ట సఖులకు తాను ఇష్టపతి యైనాడు . 

 

వసుదేవ తనయుండు వామనావతారుండు        

ఆదిశేష శయనుండు ఆపద్బాంధవుడయ్యె. 

యదుకుల భూషణుండు యశోద నందనుడు 

మన్ను తిన్నా మిన్ను చూపి, గోవర్ధమెత్తి  రేపల్లె కాపాడె . 

 

పాలు మీగడల వెన్న దొంగ,  పాలపుంతల కలయిక 

పడతుల వస్త్రములు దాచి శరణు వేడించే.  

కంసున్ని మర్దించి, కాళీయునిపై నర్తించి 

కమల లోచనుండు కరుణించె  దీనుల. 

అఖిలాండ  నాయకుడు ఆది మధ్యాంత రహితుడు

జగన్నాటక సూత్రుడు భారతాన్ని బాధ్యతగా నడిపాడు . 

మానవుడే మాధవుడై గీత బోధించి ధర్మ రక్షణకు నిలిచి 

శిష్ట రక్షణకై పాండవపక్ష పాతియైనాడు.

చిన్ని చిన్ని పాదాల శ్రీ కృష్ణమూర్తి 

వేగమే రావయ్యా బృందా విహారి మా ఇంటికి 

వేవేల జపియింతు వేద పురుషా  నీ రాకకై 

వేణు మాధవా ! దీన బాంధవా ! మమ్ము బ్రోవరా !

నగునూరి రాజన్న 

కరీంనగర్