దాగిన దు:ఖం 13-10-21

 అంశము: దాగిన దు:ఖం

తేది: 13-10-2020

శీర్షిక: ఒక్కక్షణం... 

సా స సంఖ్య: 008

రక్త మాంసాలను రంగరించి 

రమ్యమైన రంగు రూపమిచ్చి 

రాత్రనక పగలనక అలుపులేక 

కంటికి రెప్పలా కాచుకున్నవైనం ...

రుధిరాన్నే సుమధురమైన 

తెల్లని పాలుగా మార్చి ఆకతాయి

అల్లర్లను తాను భరించి 

ఆకలి దప్పులు తీర్చే కదా 

ఆ దేవుని ప్రతినిధియై... అమ్మ

ఆట కోయిలలై అలుపులు తీర్చుకుని 

బుంగ మూతుల భుజాలనెక్కి ఆడి 

దొంగ దొరల దాగుడుమూతలతో 

నింగిని అందించు ఆ తన్మయమూర్తి... నాన్న

అడుగడుగున ఆత్మలు నిలిపి 

కంటికి రెప్పలా కాచుకుని 

స్వావలంభనలకు సన్నుతిస్తూ 

సేద దీరెదరు సంతృప్తులతో .... 

రెక్కలొచ్చిన పక్షుల్లా ఎగిరిపోయే 

లెక్కచేయని నేటితరం పిల్లలతో 

ఒక్కక్షణం చాలదా ముదిమి వయసున 

పొదువుకున్న దాగిన దు:ఖం 

కట్టలు తెంచుకుని పొంగి పొర్ల .... 

నగునూరి రాజన్న

కరినగరము.