అంశము: హృదయ స్పర్శ
తేది: 15:10:2020
శీర్షిక : కరగని హృదయం లేదు ....
సంఖ్య : 541
నదీమతల్లి నాట్యం కాదు
సాగర సరసం అసలేకాదు
ఇళ్ళు వాకిళ్ళన్నీ నీటిమయం
ఊరంతా ఊటమయం నీటితో ...
కాల రాత్రి కరాళ నృత్యం
కని విని ఎప్పుడు ఎరుగనిది
కలలో కూడా ఊహించనిది
కార్చిచ్చులా పట్నమంతా ఒకేసారి...
ఒకటేమిటి తిండి తిప్పలు
మనుషులు వాహనాలు వస్తువులు
జరుగుతున్నదేమిటో అర్థమయేసరికి
ఉన్నదంతా ఊడ్చి పెట్టుకుపోయింది...
కన్ను మిన్ను కానని మనిషితత్వమే
కకావికలానికి మార్గమయ్యింది
కన్నీరు పెట్టని మనిషి లేడు
కరగని హృదయం లేదు ....
పాపభీతి లేని పాలకులను
పాపమనిపించని అధికారులను
పాషాణాలనుకుందామా
ప్రతిపనిలో పర్సెంటేజీలేనాయే...
నగునూరి రాజన్న
కరినగరము.
No comments:
Post a Comment