అంశం : అటుకుల బతుకమ్మ
తేది : 18-10-2020
శీర్షిక : శక్తి మాత
సంఖ్య : 013
అరవిరిసిన కుసుమాలే
అమాయకత నిండిన
ఆ పల్లెటూళ్ళ జనం
ఆదిశక్తిని కొలువ ఆత్మీయంగా ...
శరన్నవరాత్రుల సంధి కాలమున
శంకలేని చల్లని బతుకులు కోరి
శరణు వేడి అమ్మను పూజించడమే
ఊరు వాడా తెలంగాణలోన....
కొత్తనీరు జేరి కోర్నాల పాలవ్వ
కోటొక్క దేవుండ్లకు కోరి మొక్కేరు
పల్లె పల్లెనా ప్రతీ ఊరిలోన
వల్లె వేసుకుంటు వారి కష్టాలు ....
అక్షరాస్యతలు అసలు అడ్డే కాదని
అందరు గూడ కలసి మెలసి
ఆత్మను నిలిపి కొలవడమేనని
ఆనవాయితి తెలంగాణ జనంలో.....
పరంధాముని ప్రాణ మిత్రుడే
పటుతరముగ సమర్పించె గద
పట్టుమని అటుకులు కానుకగా
బెట్టు చేయక తన దుస్థితికి....
ప్రాణము నిలుపుకోవడమే
పణముగ భావించిన ప్రజ
కలిగినదేదో కానుకగా సమర్పించ
కాముక ఆ నామమే స్థిరమాయేనో
కాలగమనమున అటుకుల బతుకమ్మగా ....
నగునూరి రాజన్న
కరినగరము.
No comments:
Post a Comment