beggers photos eating
at dust bins......
చిత్ర కవిత 8
12-10-2020
శీర్షిక : విధి ఆడే వింత నాటకమే....
సంఖ్య: 511
అన్నపూర్ణ నా దేశం
అక్షరాలా అదే నిజం
ఎనభై శాతం సంపద
పదిహేను శాతం జనం వద్దే....
విధి ఆడే వింత నాటకమే
వీధి బాలల జగన్నాటకం
అవిద్యల అలక్ష్యపు అనాగరికాలో
మత్తు వదలని జగతి గమ్మత్తులో...
అంతు చిక్కని అమానవీయతలో
పొరుగుల దమన నీతులో
కోకొల్లలవుతున్న వీధి బాలలు
కొరతలతో కొట్టుమిట్టాడే కనీసావసరాలు ...
గుప్తులకాలం స్వర్ణ యుగం
గుప్తమాయె చరిత్రలోనే
గుండె కరగని నేటి పాలకులు
గూడు చెదిరిన కుటుంబాలు....
పకడ్బందీ చట్టాల చక్రబంధం
జల్లెడేసె అధికార్ల అల్లెతాళ్ళు
వందిమాగదులకే వంతపాడి
వట్టిపోతున్న దేశ ఆర్దిక వనరులు....
సంఘంలో వ్యవస్థల కోసం
సగం చాలు పెట్టుబడులు
చాపకింద నీరులా మాయం
మిగతా సగం దళారుల వశం ....
పసలేని పాలకుల నిర్ణయాలో
పని లేని ఆహార పథకాలో
స్వావలంబనలకు మార్గమేయక
సాగిల బానిస బతుకులకే ఓటాయె...
నగునూరి రాజన్న
కరీంనగర్.
No comments:
Post a Comment