ఆంక్షల సంకెళ్లు
తేది: 21-10-2020
శీర్షిక : మానవ సంక్షేమం
సంఖ్య: 544
పదుగురి క్షేమం కోరే
ప్రకృతిలో ఓలలాడినా
పరాయిల సుఖసంతోషాలంటే
పట్టని గిట్టని తనమేనాయె...
ఆటవికతను అధిగమించినా
అక్కడక్కడ పొడసూపుతూ
అప్పుడప్పుడు ఆనవాళ్లు
గోచరిస్తూ సమాధులు కడుతున్నయి...
పట్టణాలలో పరేషానవుతున్న
పడతుల బతుకులే సాక్ష్యం
పట్టెడన్నం ఇక్కడ తింటూనే
పరాయిల పాటలు పాడేతత్వం...
పాలనలో పక్కవాన్ని ఎక్కి తొక్కడం
ప్రతిపక్షమైతే రోడ్డెక్కి రోదించడం
పట్టుకొచ్చింది పట్టుకుపొయ్యేది శూన్యమైనా
పట్టువిడుపులు లేనితనమేనాయె...
స్వార్థాలు సంకీర్తనలైతే
సరగాల కన్నూ మిన్నూ కానని తనం
మంచి చెడుల మర్మమెఱిగి
మసలుకుంటే మానవ సంక్షేమం...
నగునూరి రాజన్న
కరినగరము.
No comments:
Post a Comment