అంశము: మృత్యువు
తేది: 16-10-2020
శీర్షిక: అనాయాసం
సా స సంఖ్య: 011
పుట్టిన వాడు గిట్టక మానడు
గీతాచార్యుడు బోధనలే సాక్ష్యం
జీవుడు దేహం మార్చుకుంటాడు...
బాల్యమంతా బంగారమే
మంచి చెడుల బేరీజులు
కష్ట సుఖాల కమామీషులు
అంటని ఆణిముత్యాలే ...
వయసు వడి నేర్పితే
కన్ను మిన్ను కాననితనం
ఆహారపు అలవాట్లు కొంత
కొంటె పనులకు ఊతమౌ ...
అమ్మా నాన్నల ఆలనా పాలనా
సద్గురువుల సంస్కరణలు
కాలగమనంలో కాకలు తీరి
గురి కలుగు జీవిత పరమార్థాన...
పశ్చాత్తాపాల పరితపనలకన్నా
క్రమశిక్షణ కవాతులే మిన్న
ఆరంభములోనే గురి కలిగితే
అనయాస అంతిమాన్ని ఆశించవచ్చు ...
నగునూరి రాజన్న
కరినగరము.
No comments:
Post a Comment