అంశం : ముద్దపప్పు బతుకమ్మ
తేది : 19-10-2020
శీర్షిక : నవరాత్రి మూడవ రోజు
సంఖ్య : 014
ఆచార వ్యవహారాలకు
ఆనవాయితీ మనదేశం
సత్సాంప్రదాయాలకు
సుసంపన్నం మన సంస్కృతి ...
పట్టుకున్నా ముట్టుకున్నా
చెట్టు చేమ గట్టు గుట్ట
భూమి నీరు నిప్పు గాలి ఆకాశం
పబ్బతే పరమ పూజ్యమంటూ ....
కాల మార్పుల్లో కలిగే
కబందపు అనారోగ్యాలకు
కళ్లెం వేయడమే కాదా
కలికాలపు ఆధ్యాత్మిక చింతన....
ఋతువు మార్పులో గోచరించే
బతుకులోని మార్పును పసికట్టి
అమ్మను అక్కున చేర్చుకుని
ఆదరించే నవరాత్రి పండగ ....
మూడవరోజున ముద్దపప్పు
ముదమున పాలు బెల్లం
ముచ్చటగా కలిపి నైవేద్యం
పెట్టే ఆనవాయితీ తెలంగాణాన....
నగునూరి రాజన్న
కరీంనగర్.
No comments:
Post a Comment