సద్దుల బతుకమ్మ
తేది: 25-10-2020
శీర్షిక: పెద్ద బతుకమ్మ
సంఖ్య: 017
బతుకమ్మ బతుకమ్మ ఉయ్యాలో
బంగారు బతుకమ్మ ఉయ్యాలో
ఋతువుమార్పులోన ఉయ్యాలో
బతుకునిమ్మని కోరె ఉయ్యాలో
శ్రీగౌరి బతుకమ్మ ఉయ్యాలో
ప్రకృతి మాతనే ఉయ్యాలో
//బతుకమ్మ//
పళ్ళెమున పరుతురు ఉయ్యాలో
పచ్చన్ని ఆకులూ ఉయ్యాలో
బంగారు తంగేళ్ళు ఉయ్యాలో
ఇంపైన గునుగులు ఉయ్యాలో
//బతుకమ్మ//
ఇల మెరిసే సీత జడ ఉయ్యాలో
మురిపాల బంతులు ఉయ్యాలో
చిత్రంగ గుమ్మడి ఉయ్యాలో
చిగురంచు ఉద్రాక్ష ఉయ్యాలో
//బతుకమ్మ//
సొగసైన కట్లలు ఉయ్యాలో
చిట్టి గోరంటలు ఉయ్యాలో
మధ్యన గౌరమ్మ ఉయ్యాలో
మనసున పూజింతురుయ్యాలో..
//బతుకమ్మ//
మాయమ్మ గౌరమ్మ ఉయ్యాలో
మమ్ము దీవించుము ఉయ్యాలో
కొత్త నీటితోన ఉయ్యాలో
కొరతలన్ని దీర్చమ్మా ఉయ్యాలో
//బతుకమ్మ//
సాదరముగ అందరూ ఉయ్యాలో
సాగనంపేరు ఉయ్యాలో
పోయిరావమ్మంటూ ఉయ్యాలో
పెద్ద బతుకమ్మను ఉయ్యాలో
బతుకమ్మ బతుకమ్మ ఉయ్యాలో
బంగారు బతుకమ్మ ఉయ్యాలో
నగునూరి రాజన్న
కరినగరము.
No comments:
Post a Comment