గగనం
తేది: 22-10-2020
శీర్షిక: సార్వత్రికతల నింగి బాల
సంఖ్య : 545
పచ్చ తివాచీలు పరుచుకున్న
ప్రకృతిలో నిలుచున్నా పదుల
మైళ్ళ దూరం పట్టునిలువదు గట్టిగ
దృష్టి పెట్టి చూడ దూరాలు ముచ్చటగా....
కోట్లకు పడగలెత్తిన జెఫ్ బెజోన్
కలియుగ కుబేరులకైనా..
జీవితాలను ఒలకబోసుకున్న
బడుగు బలహీనులకైనా..
కోరికకలకు రెక్కలు కట్టుకున్న
పర్యాటక ప్రేమికులకైనా..
పరతమ బేధములెరుగక నిరతము
సార్వత్రికతను ప్రదర్శించు నింగి బాల....
ఆకారమే లేని వింత లోకం
అనేక పాలపుంతల కేంద్రం
అంత సులువుగా అర్థం కాని
అనంత విశ్వ రహస్యాల నిలయం ....
జవ జీవాల కారక వెలుగులీనే
ఇనజుని పరభ్రమణాలకు...
జీవ సంతోష సరస సల్లాపాలకు
మూలమయ్యే శశి కాంతుల రేడుకు
అనంత నక్షత్ర పూదోటలకు ఆలవాలం ...
నగునూరి రాజన్న
కరినగరము.
No comments:
Post a Comment