అంశము: సమాంతర రేఖలు
తేది: 20-10-2020
శీర్షిక: అంత: సూత్రం
సంఖ్య: 543
బండి చక్రాల్లా బారులు తీరినా
బతుకు బాటలో గమ్యమొక్కటే
బరువులన్నీ కలిసి మోయడమే
బాధ్యతలన్నీ పంచుకోవడమే ....
సమాంతరాలైనంత మాత్రాన
సంబంధం లేదంటే ఎలా ?
కలవని ఊహాజనిత అక్షాంశాలకు
కలిసే కేంద్ర గరిమినాభిలా..ఆడ మగలకు..
ఒక్కటే అయిన జీవన గమ్యంలా....
కలవని రైలు పట్టాలకు కూడా
కలిపి నిలిపే అంత:సంబంధంలా
అవి మోసే బరువుకు బాసటలా
బాటసారుల చేర్చే గమనంలా గమ్యంలా ....
కలవని గ్రహాంతరాల సంబంధాలైనా
కలిపే నిలుపు ఆకర్షణ సిద్దాంతం
కాచుకొను కలియుగ క్షేమ కారకం
కనపడని క్రమశిక్షణకు సూత్రమై....
చరా చర సృష్టి మొత్తం
విడివిడిగా గోచరించినా
సమాంతరంగా సంచరించినా
పరోక్షమో ప్రత్యక్షమో పట్టి నిలిపేది
మాత్రం అమరిన అంత: సూత్రం
నగునూరి రాజన్న
కరినగరము.
No comments:
Post a Comment