25-09-2020
ప్రత్యేక కవిత
పండితారాద్యునికి
అక్షర నీరాజనం...
మాటైనా పాటైనా మంత్రముగ్దం
సరసమైనా విరసమైనా మాధుర్యం
భక్తిభావమైనా అనురక్తే ఆ గాత్రం...
మిథునమైన నటనం
శంకరాభరణమైన రాగం
సాగర సంగమమే.....
భాషలేవైనా భావం పండించి
నలుబదేళ్ళ ప్రస్థానంలో నలుబదారువేల
పాటలతో శ్రోతలను
ఉర్రూతలూగించిన వైనం.....
పాడుతా తీయగ తో
ఇరువది నాలుగేండ్ల
సేద్యంతో లెక్కలేనన్ని
మణిరత్నాలను వెలికి తీసిన
కృషీవలుడా....
వేన వేల పాటలతో
ఇరువదైదు నందులతో
ఐదు డాక్టరేట్లతో ఆరు
జాతీయ అవార్డులతో
పద్మశ్రీ పద్మభూషణుడైన
పండితారాద్యునికి
మా అక్షర నీరాజనం ....
నగునూరి రాజన్న
No comments:
Post a Comment