అంశము: స్వప్న సాకారం
తేది: 13:10:2020
శీర్షిక : సకారాత్మక రాచ మార్గాలు ...
సంఖ్య : 539
ఆశలు ఆశయాలను నిర్దేశిస్తే
అహోరాత్రుల మేధో మదన
తరంగాల అలలతో కలల
తీరం చేరే కునుకు కమనీయం...
చీత్కారాలను చిదిమేసి
అవహేళనలను శిలువవేసి
నమ్మకాలను అమ్మగా చేసుకుని
అకుంఠితంగా మమేకమైపోవడమే....
అలసత్వాలను ఆవలకు నెట్టి
చిరాకు పరాకులను చేరదీయక
చిలక జోస్యాలను చీత్కరించుకుని
అదృష్టాలను మాత్రమే నమ్ముకోక...
ఆత్మస్థైర్యాలను అందిపుచ్చుకుని
పట్టుదల ప్రశిక్షణలు భుజానేసుకుని
క్రమశిక్షణలతో కలిసి అడుగులేస్తూ
ఓర్పు నేర్పులతో సాగడమే ఓంకారం...
స్వప్న సాకార ప్రణాళికలు
సానుకూల ధర్మ దక్షతలు
సర్వ సమ్మత న్యాయ సూత్రాలు
సకారాత్మక రాచ మార్గాలు ...
నగునూరి రాజన్న
కరినగరము.
No comments:
Post a Comment