అంశము: చిలిపి తనం
తేది: 14- 10-2020
శీర్షిక: చిదానంద రహస్యమే ....
సా స సంఖ్య: 009
అమ్మ చాటు సయ్యాటలు
అయ్య తోటి దాగుడుమూతలు
తోబుట్టువులతో దొంగాటాలు
మిత్రులతో ఆడే తొండాటలు
అవే కదా ఆనవాళ్ళు ....
కొసిరి చేసే కోప మెరుగని కొట్టు
తత్తరతో తాపమెరుగని తిట్టు
పసిమి ఫలితమెరుగని పట్టు
స్థితి ప్రదోశమెరుగని తింగరి మాట ...
విరిసీ విరియని కుసుమమోలే
తెలిసీ తెలియనిదైన సుమధురం
సుందరమౌ చేష్టలతో మంద్రహాసమైన
నవనీత చోరుడు నందనమున చేసిన
అనేకములు చిలిపితనపు చిరునామాలే....
అప్పుడే అక్కడంటూ అప్పుడే ఇక్కడంటూ
ఆ ఇంట పెరుగుని ఈ ఇంట వెన్నని
అక్కడా కృష్ణుడే ఇక్కడా కృష్ణుడేనంటూ
గోపెమ్మల ఫిర్యాదుల యశోదమ్మ గజిబిజి ...
చిలిపి తనాల చిన్మయుడే
చిక్కని దొరకని నల్లనయ్య
తటాకాన చీరలెత్తుకెళ్లినా
అణువణువు పరవశింపచేసినా
చిదానంద రహస్యమే ....
నగునూరి రాజన్న
కరినగరము.
No comments:
Post a Comment