మనస్సునామి
తేది: 27-10-2020
శీర్షిక: అంతుచిక్కని సునామీలే....
సంఖ్య : 549
బుడి బుడి అడుగుల నేస్తం
నిర్మల మనోహర తటాకం
ఏ మలినమంటని తామరం
ఎదను మీటే తీయని రాగం ....
ఉప్పు కారాల ఉలికిపాట్లు
తప్పొప్పుల తేలిక భావాలు
మనో వాంఛల విశృంఖలాలు
స్వీయ నియంత్రణల లోపాలు ....
స్వార్థ దమనక స్వైర విహారాలు
ఈర్ష్యా జ్వాలల ఇతిహాసాలు
చెవులు కొరికిన ఆజ్యాలు
అన్నీ అల్లకల్లోలాల సునామీలే ....
తప్పొప్పుల లెక్కలు పక్కన పెడితే
తాను తానుగా ఉండలేకపోవడం
తచ్చాడే పరిస్థితుల మూలాలు వెదికితే
తానే దోషిగ నిలిచిన వైనం .....
తీరంచేరే దారులు కరువైతే
మనసంతా అతలాకుతలమే
అంతుచిక్కని సునామీలే.....
నగునూరి రాజన్న
కరినగరము.
No comments:
Post a Comment