బాల్యం

బాల్య మంతా మనకోక బంగారు కలల నిధి

భవితకదే అవుతుంది పునాది/ సుజల నిధి

అన్న దమ్ములతో ఆనందాన్ని - అక్క చెల్లెల్లతో అనురాగాన్ని 

అల్లారు ముద్దుగా పంచుకున్నాం - 

అందమైన జ్ఞాపకాలను మిగుల్చుకున్నాం

అత్తల (మేనత్త)  పిల్లలతో ఆటలాడుకున్నాం - 

మామల (మేన మామ) పిల్లలతో మారాం చేసాం

బంధువుల పిల్లలతో బంధాలు పెంచుకున్నాము - 

సరదాలు తీర్చుకున్నాం -  సరసాలు విసురుకున్నాం 

ప్రాథమిక విద్య అంతా ఊళ్లోనే జరిగినా  - పదవ తరగతి వరకు మాత్రం 

పది మంది పిల్లలం కలసి మెలసి -ప్రక్క ఊరికి వెళ్ళాల్సి వచ్చింది   

వాగులు వంతలు , ఇసుక తిన్నెలు  -

గుట్ట బోరున, పిల్ల బాటలలో  పయనిస్తూ 

గుండ్ల బాటలో, పండ్ల తోటలు దాటుతూ - 

చిట్ట చివరికి చేరుకుందుము మా పాఠ శాల  

ప్రతిభ చూపడం చదువుల్లోనే కాదు  -

ప్రయాణంలో , ప్రతీ సీజన్లో దొరికే 

పండ్ల తోటల్లో, పంట చేలల్లో-  

మా సత్తా చాటి - పల్లె వాసులను ఆట పట్టించేవారం 

అమ్మ నాన్నల ఆజమాయిషీ లో - 

అబ్బో బాగా చదివాం మెట్రిక్ వరకు (1972)

పై చదువులకని  కాలేజి కొరకు మకాం మార్చి - 

పట్నానికి వచ్చాం  పరేశానే అయ్యాం.

టౌన్ పోకడల తాకిడికి-  చదువులు గాలికి వదిలాము -

తెలంగాణా లోల్లులతో - అల్లి బిల్లిగా తిరిగాము

ఇంటర్ మీడియెట్ అంటే ఇంత కష్టమనుకోలేదు -

అరా కొర మార్కులతో  అయిందని పించాము 

బి . కామ్  లో చేరామన్న మాటే కాని, కామ్ గా లేము ఏ రోజు

కాలేజి బై కాడ్ లతో , విద్యార్థుల రాజకీయాలతో -

నాటి గందర గోలపు విద్య సంస్కృతికి 

 నేను కూడా కాలేదు మినహాయింపు - 

కాని చివరకు మా అమ్మ నాన్నల ఆశీస్సులే గెలిచాయి

ఉరుం లాంటి వార్త దావానలమైంది  - 

ఉక్కు మనిషి లాంటి మహా మేధావి

శ్రీ పింగళి జగన్మోహన్ రెడ్డి గారు వైస్ చాన్స్ లర్ గా (Jan.,1976)

నియామకం అయ్యారని తెలిసింది -

గురు స్మరణ సమంజసం ఈ సందర్భంగా

సరైన సమయంలో స్పందించి - సంకల్ప బలమైన సందేశాన్ని

సదుద్దేశంతో ప్రతీ కాలేజీకి -సలక్షణంగా పంపించారు

కాకూడదు తెలంగాణా అల్లకల్లోలం - కావలి యువత తెలివైన వారుగా

అంతా ఇష్టపడి చదవండన్నారు  - కష్టపడి వ్రాయండి పరీక్షలన్నారు  

అలోచించి కదిలాము - ఆసక్తిగా చదివాము - 

అవలీలగా పట్టా పుచ్చుకున్నాము

అమ్మా నాన్నల కల నెరవేర్చాను - 

నిజంగా నా జీవితాన మహత్తరమైన మలిదశకు

అంకురార్పణ జరిగిందని నమ్ముతాను-

ఆనాటి ఫలితమే - ఈనాటి ఈ జీవితం

అందుకే బాల్య మంతా మనకోక బంగారు కలల నిధి

భవితకదే అవుతుంది పునాది/ సుజల నిధి