పర్యావరణం అంటే…………………

పర్యావరణం అంటే పక్కవాడి గోడు కాదు -

పర్యావరణం అంటే భూమి,నీరు, గాలి, ఆకాశం  
  

ప్రపంచ ప్రజలందరిది  -  చెట్లు పుట్టలు కొండ కోనలు 

హాయి గొలిపే పచ్చిక  బయళ్ళు - హోయలోలికే జలపాతాలు  

ప్రకృతి మనకిచ్చిన పర్యావర (ణ )మ్ - 

పూర్వీకులు మనకందించిన అమూల్యమైన భరణం 

ఆటవికమైన ఆకారాలకు -ఆవాసాలు లేని అనాగరికులకు 

నిలకడ తెలువని నియాందర్త ల్ లకు -

చరిత్ర నిచ్చింది చక్రం పనిముట్లు……ఆనాడు  

రాకాసి బొగ్గు, రైలింజన్లు, రాకెట్లు, రవాణా సాధనాలు,రక రకాల ఇంధనాలు

రమ్యమైన కమ్యూనికేషన్లు -పల్లె పట్నం తేడా 

లేక ఎల్లెడలా రంగు రంగుల జీవితాలనిచ్చాయి......  ఈనాడు

కాలుష్యాలకు  కారణాలనేకం - అధిక జనాభా, నిరక్షరాస్యత 

పట్టణీకరణ, పారిశ్రామికీకరణ - అరణ్యాల క్షీణత, అలసత్వం   

కాశ్మీరు నుండి కన్యాకుమారి వరకు - కలకత్తా నుండి వొకా వరకు 

కదలాడే రైలు బండి సాక్ష్యం -కవరు  చిరిగిన  పాలితీన్లకు 

పారిశ్రామిక వాడల వ్యర్థాలు - వాహనాల విషవాయువులు 

పేరుకు పోతున్న ఎలక్ట్రానిక్ వస్తువులు - 

పర్యావరనానికే ప్రశ్నార్తకమౌతున్నాయి 

కావేవి అనర్హం కలుషిత వాతావరణానికి 

గుండు సూది తయారీ మొదలు -కొండ తొలుచు వరకూ 

పాడి పంటలు మొదలుకుని పసివాడి పాల వరకు 

చివరకు ప్రాణ దాతలైన పవిత్ర మందులు సైతం - కలుషితమే

జల కాలుష్యం, వాయు కాలుష్యం -

వాహన కాలుష్యం -శబ్ద కాలుష్యం 

యాంత్రీకరణ కాలుష్యం - ధూళి  కాలుష్యం -

సకల కాలుష్యాల ఫలితమే - ఒజొనుకు గండి 

అతి వృష్టి, అనావృష్టి, కరువు కాటకాలు, 

భూకంపాలు, సునామీలు , ప్రకృతి భీభత్సాలు 

జల ప్రళయాలు - కొత్త కొత్త అనారోగ్యాలు 

ప్రతీది పర్యావరణ ఫలితమే ……………

మానవ తప్పిదాలే - మానవాళికి విషమ స్థితి 

పెచ్చరిల్లే ఉపద్రవాలను - నియత్రించలేని దుస్థితి 

అలసత్వాన్ని వీడి మనమంతా కళ్ళు తెరవాలి 

పొంచి ఉన్న ముప్పులను గుర్తెరిగి నడచుకోవాలి 

పర్యావరణాన్ని పరి రక్షించడానికి 

మాట సాయమే కాదు - చేత సాయం చేస్తూ 

పరిశుభ్రతలను పాటిస్తూ -  పర్యావరణాన్ని రక్షిస్తూ  

ఆయురారోగ్యాలతో ఆనందంగా జీవిద్దాం 

ప్రభుత్వ శాసనాలు, పథకాలు ఎన్ని ఉన్నా -

పౌర సహాయం ఉంటేనే - ప్రణాలికలు సాఫల్యం 

ప్రశస్తమైన పర్యావరణాన్ని -ముందు తరాలకు అందిద్దాం -

పవిత్రమైన  కానుకగా  .....