మార్పు

సహజ సమాజ మార్పు అవసరం అయినా కాకున్నా వస్తూనే ఉంటుంది

ప్రజల సహాకారంతో, ప్రజల హితం కొరకు వచ్చేదే పది కాలాలు నిలుస్తుంది

రాతి యుగం దాటుకుని  మారుతూనే ఉన్నాము

మార్పులోనే పుడుతున్నాం - మార్పులోనే పెరుగుతున్నాం

కాని అవసరమైన మార్పు  మాత్రం పాటించరు  ( రాజు – పేద)

దేవ దానవ సంగ్రామములు సమసి పోయి

నేడు ముష్కర దాడులు జరుగుతున్నాయి

రాజుల రోజులు పోయి, రాజ్యాలు పోయి

ప్రజల రాజ్యాలు ఫరిడవిల్లుచున్నాయి-

అయినా ఆర్ధిక అంతరాలు అంతకంతకు పెరుగుతూనే ఉన్నాయి

చాతుర్వర్ణాల వ్యవస్థలు పోయి

పాలనా నాయకులు, పాలనా అధికారులు

రక్షణా  అధికారులు , న్యాయాధికారులు  కలిగిన

చతుర్విధ ప్రజా పాలన వ్యవస్థ లొచ్చాయి –

అయినా సామాన్యునికి న్యాయం అందని ద్రాక్షే అవుతున్నది

అంటరాని తనము పోయి అంటువ్యాధిలా

విస్తరిస్తున్నది లంచగొండి తనం

ఆచార వ్యవహారాలు అంతరించి

అతలా కుతలం అవుతున్నది పర్యావరణం 
–

"మనీ"షి  మారకుంటే మారణ హోమమే సుమా

ప్రజా సంక్షేమం కొరకు ప్రభుత్వాలు చేసే

ప్రాథమిక మౌలిక అవసరాలు - రోడ్లు,విద్య,

విద్యుచ్ఛక్తి ,ఆరోగ్యం అంతరించి

ప్రైవేటు వ్యక్తుల ఆధీనములో బ్రతుకు వెల్లదీస్తున్నాం –

పేర్లు మారిన - తీరు మారడం లేదు

రాజకీయం కూడా ప్రైవేటు పరమైతే

రాజ్యాలు సామంత మైనట్టే కదా

భూమి గుండ్రముగా ఉన్న చందముగా

తిరుగు ప్రయాణమే చేయాలా –

మళ్ళీ బానిస బ్రతుకుల వైపేనా మన అడుగులు?