ఆరోగ్యమే మహాభాగ్యము

ఆరోగ్యమే మహాభాగ్యమన్న- 

ఆర్యోక్తి మనందరకు తెల్సినదే 

ఆరోగ్యాన్ని మనందరము  కోరుకుంటాం- 

అందుకు జాగ్రతలు పాటించడమే కష్టం.

గాలి, నీరు,పళ్ళు,కూరగాయలు- 

కాదేది అనర్హం కలుషితానికి ఈనాడు 

సమస్త తిను బండారములు -

సంక్లిష్టమైన  కలుషితాలౌతున్నాయ్ .

ఉరుకుల పరుగుల జీవితాలకు - 

ఉడకేసుకు తినే సమయమే లేదు 

అదనుకు దొరికిందే చాలని - 

అందినవి ఆవురావురుమని తింటున్నాము.

ఆనక తీరికగా బాధ పడుచున్నాము - 

అనేక రకాల ఆరోగ్య భాధలతో

వింత వింత అనారోగ్యాలు - 

వివరించలేని విధంగా ఉంటున్నవి.

మనసు పొరల్లో కలిగే బాధలకు - 

మౌనంగా రోదిస్తున్నాము 

మనసు విప్పి మాట్లాడుకోడానికి - 

మనిషన్నవాడు కరువౌచున్నాడు.

అనుక్షణం సతమతమౌతూ - 

ఆరాటాలతో మునిగి పోతున్నాము 

ఆధునిక సాంకేతికతతో - 

అంత సాధించామనే అపోహలో బ్రతుకుచున్నాము.

నాడి చూసే విధానమే కరువైనది - 

అనేక  రకాలైన  పరీక్షలంటూ 

నరకయాతనలకు గురి చేస్తున్నారు - 

నానా హైరానా పెడ్తున్నారు.

ప్రభుత్వ, ప్రైవేటు ఆసుపత్రులకు - 

పట్టణము నిండా కొదువ లేదు   కాని 

సమయమే లేదు డాక్టర్లకు - 

సవివరముగా మాట్లాడడానికి రోగితో.

తిండి ఖర్చు కంటే మూడింతలు - 

తిప్పలు పడి కడ్తున్నారు 

మందులు, మాకులకని - 

మధ్య తరగతి వాళ్ళు నలిగిపోవుచున్నారు.

ప్రభుత్వాలు పట్టించుకోక -

పలాయనం చితగిస్తున్నాయి 

ప్రైవేటు ధవాఖానలేమో - 

పెచ్చరిల్లి దోసుకుంటున్నాయి.

ఆరోగ్యాల మాటేమో గాని - 

గుల్ల చేస్తున్నారు ఒళ్ళు - జేబులు 

ఇంతకన్నా మనమంతా - 

మనసు పెట్టి కసరతులు చేయడం బహు మేలు మిత్రమా