కవిత్వం

అంశం : కవిత్వం 

సంఖ్య : 37  Date: 24-08-2018

శీర్షిక : కవిత్వం 

కవిత్వం 

వీణా పాణి విమలస్వరూపిణి 

శ్వేతపద్మవాసిని శారదాదేవి 

కరుణా కటాక్ష వీక్షణ  బిక్ష... 

ప్రయత్నించి సాధించు......  

తల్లి పాల రుచి, తల్లి భాష పచి

తనివిదీర అనుభవిస్తే 

తనంత తానై తమాయించుకొస్తుంది....

మస్తిష్క సముద్ర గర్భపు 

అంతరాలలో నిగూఢమై,నిక్షిప్తమైన 

అనేకానేక ఆలోచన సవ్వడులను 

మదించి,మర్దించి ఒడిసి పట్టిన 

భావనా తరంగాలను సాన బెట్టి 

స్వాతి ముత్యముల వోలె 

శ్వేత పత్రముపై దొర్లించేవి....  

అనంతమైన హృదయాంతరాల 

ఆకాశపుటంచుల్లో అందమైన 

విహంగాలై  తెరలు తెరలుగా 

విహరించే సంఘటన పరంపరలను

సముచిత సముజ్వలంగా 

ఒద్దికగా తీర్చిదిద్దే సుందర రూపం....  

విశ్వంలో విహరించే ప్రాణకోటిలో 

విశిష్ట లక్షణ సంపత్తి కలిగిన మనిషి 

వీక్షించే పరిసరాలపై సదా స్పందిస్తూ, 

సంఘర్షించి, దర్పణమై దర్శించి 

సముచిత సలహాలను సూచనాత్మకంగా 

సంధించి ఎదుటివారిని మెప్పించే  విద్వత్తే...

అద్వితీయం అమోఘం  అనంతం

అజరామరం ........