11-08-2018
ఆత్మీయమైన కుటుంబం
ఆప్యాయమైన సావాసాలు
అర్థవంతమైన బోధనలు
ఆరోగ్యవంతమైన పరిసరాలు
స్వచ్చమైన ఆలోచనలకు నాంది
మనసు పాల సముద్రంమైతే
మందర మేధో మధనం కావించి
గరళాన్నిగళమున దాచిన గంగాధరుని వలె
అమృతపు ఆలోచన తరంగాలతో
మానవ కళ్యాణం ఒడిసి పట్టుకోవచ్చు
అనివార్యమైన సమస్యలకు
అవిభాజ్య కుటుంబాల అండ దండలోలె
సమూహపు ఆలోచనలనలెప్పుడు
సమాజ దివిటీలై సదా ప్రకాశిస్తాయి.
మనసుకు హత్తుకోలేని ఆలోచనలు
అనంత కోటి అయినా శూన్యమే.
మంచి ఆలోచన ఒక్కటే అయినా
మనిషి జీవితాన్నే మార్చగలదు.
కుళ్ళు కలిగిన సమాజం చూసి
ఒళ్ళు జలదరించుకోకుండా
మన గుండె నుండే మొదలవ్వాలి
మంచిని పెంచి పోషించే ఆలోచన.
యత్ భావం తత్ భవతి.
No comments:
Post a Comment