రక్త సంబంధాలు

శీర్షిక : రక్త సంబంధాలు
Date:21-08-2018

అమ్మ అణువు చీల్చుకుని
అవతరించినా ......
కన్నతల్లి పాలను కల్సి మెల్సి  తాగినా .....
అమ్మానాన్నల రక్త మాంసాలను
రంగరించి  పంచుకున్నా .......
రక్త సంబంధమే ఈ జగాన.

హరి లీలన అంకురించే
రకరకాల బంధుత్వాలన్ని
రుధిర సంబంధ బాంధవ్యాలే.
తరతరాల తాతల ముత్తాతల నుండి
ముందు తరం ముని మనువలు
మనవరాండ్ర వరకు.

ప్రపంచాన ఏ మూలనున్నా
పరధ్యాన్నములో సైతం పరితపించేదే.
తలుచుకున్న మరుక్షణం
తనువంతా తంత్రీల మంత్రమే .

అవిభాజ్య కుటుంబాలలో
ఆలంభనలే ఒకరికొకరు
నిత్యం ప్రతి కృత్యమందు.
అహం వీడి అడుగు ముందుకేస్తే
అల్లుకుంటుంది అనుక్షణం
వర్ధిల్లుతుంది మరో తరం.