అతిథి

నగునూరి రాజన్న 

అంశం : అతిథి

తేదీ :27-08-2018

సంఖ్య : 41

దైవత్వము లో నాలుగవదైనా

అతిథి దేవోభవ అన్న భావనే
అన్నింటా మిన్న మన దేశాన
అతిథే  ప్రథమం మతమేదైనా   

తెలిపే వివరం తెలిసిన వివేకుడైనా
తెలుప లేని ఆలోచనల చిత్తరుడైనా
తెలిపి వచ్చినా తెలుపక వచ్చినా
అతిథిని ఆదరించుటే ఆపద్ధర్మం.

కాలంతో పనిలేనిది.   

సమయంతో అవసరం లేనిది.

సందర్భముతో నిమిత్తం లేనిది.    

ఉరుకులాడకుండా ఉన్నంతలో 

ఉచితోన్నత  వస్తు సేవలందించి 

ఉల్లసింప చేయగలిగేది.

బాల్య మిత్రుడైన కుచేలునికి
భగవత్ స్వరూపుడు ఇచ్చిన మర్యాద
బ్రతుకు బాటలోన మనమంతా
బహు సుందరమై పాటించతగిన సూత్రం.

రంతిదేవుడు భాగవత పురాణములో
అంకిత భావమై ఆచరించి చూపె  కదా!
భగవత్ పరీక్షలో నెగ్గ నలుబది తొమ్మిదో రోజున
వరించి ముక్తి లభించలేదా  తనంత  తానై.

అతిథి సత్కారములు ఎల్లవేళలా
ఆదియై నిలుపుకొను మదిలోన
అది గమనించి నడుచుకొను
అన్నింటా శుభంబౌ ధరణిలోన.