స్నేహ పరిమళాలు
ఆకలైతే అమ్మలా మారి
ఆపదొస్తే నాన్నల మారేది.
అల్లరికి తోబుట్టుగ నిలిచి
అప్రకటిత రహస్యాల నెలవైయ్యేది.
బంధాలతో సంబంధం లేనిధై
ఒంటరికి జంట గూడేది.
కలతలెరుగని మమతల స్థావరమై
కులమతాలకతీతంగా నిలిచేది.
స్వార్థానికి స్థావరామెరుగనిధై
సాన్నిహిత్యం సదా కోరేది.
కల్లోలాలను దరి చేరనీయనిధై
కష్టాలను కడతేర్చేది.
ఆపదలను ఎడ బాపునది
అడుగడుగునా ఆత్మస్థైర్యం నింపునది.
ఆర్ధిక అంతరాలకు అతీతమైనది
మలినమెరుగని మనసున్నది.
మన గెలుపును ఆస్వాదించి
మన గమ్యానికి తన గమనం జోడించేది.
ముళ్ల బాటలో రక్షణ కవచమై
మనన క్షణాన మనసు వికసించేది.
అలల సంద్రములో చుక్కానై
కారు చీకటిలో మిణుగురు వెలుతురై
స్నేహమనే పరిమళాలు శ్వాసిస్తూ
జీవితాన ఏదైనా సాధిద్దాం.
No comments:
Post a Comment