విరమించని వాక్యం 2
తేది: 31-03-2021
శీర్షిక : అల్లగలము
కవిత సంఖ్య: 632
ఆరాటముండాలే గాని
అదెంతపని.... ప్రతిరోజూ
పందేరమేగా .... మెతుకు
బాటలో వెతుకులాటలాగా....
నూతనత్వం చేరుకోవాలనే
తపన ఆశయముండాలి గాని ...
పండగ కేసుకునే హరివిల్లు వర్ణాల
ఆనందాల ఆర్నవాల కొత్త వస్త్రాల్లా
కొంగొత్త పదబంధాల అల్లుకుపోమా....
గురువుగారిచ్చే నవీన రీతుల
అంశాల మల్లె పందిరికి
ఎప్పటికప్పుడు సరి కొత్త ఆలోచనల
చిగుర్లు జోడిస్తూ...ఇంటికొచ్చిన కొత్త
బంధువుకు కొసిరి కొసిరి చేసే
మధురిమల వడ్డింపుల్లా..
కూర్చుతూ అలంకారాలతో
అందాలను పొందికగా
చేర్చి…కవన దండలల్లమా....
అమ్మ హంసవాహిని
అనుగ్రహం తోడవ్వగా
మన పదాలు మనకే
మన వాక్యాలు మనకే
ఆశ్చర్యం గొలిపేంత
సుందరంగా తీర్చిదిద్దామా ...
నగునూరి రాజన్న
No comments:
Post a Comment