మానవతా సంతకం
తేది: 24-05-2022
శీర్షిక : ఎక్కడ మొదలెట్టాలి ...
కవిత సంఖ్య : 908
జీవరాశి చరితలోన
మేమె మిన్నంటూ
పోలికేకలు వేసే మానవాళి ..
మానవతావాదాన్ని మసక బారుస్తూ
మతి చలించి ప్రవర్తిస్తున్నారు ....
విశ్వం కన్ను తెరవకముందే
వింతగ హైందవమంతా ...శాస్త్రాలను
వల్లె వేసి...సంస్కృతీ సాంప్రదాయాలను
నెత్తికెత్తుకుని ... నాగరికతల నడకలను
లోకానికి నేర్పిన ఘనత మనది .....
రాను రాను రాజుగారి గుర్రం ....
రంగు మారిపోయినట్టు .... వలస వాద
తత్వాలో ... పొరిగింటి పుల్లకూరలో....
పాశ్చాత్యాన్ని పొదవుకుని...మానవత్వ
వలువలు పలచబడి పోతున్నవి ....
విద్య వైద్యం అందరికి అందకుండా ...
అన్ని రకాల జాగ్రత్తలు తీసుకుంటున్న
ప్రభుత్వాలు .... ఉచితాల తాయిలాలతో
మత్తులో ముంచి... ఉలుకు పలుకులు
లేకుండా ఉసురులు తీస్తున్నారు....
పాలన సౌలభ్యాలకో....గుర్తింపుల
ప్రత్యేక ప్రయోజనాలకో ....
వృత్తుల వారీగా సూచనలేర్పటుకు ....
కులమతాల చిచ్చు రేపి
కుంపట్లు రాజేస్తున్నారు ......
ప్రభుత్వాలే పంతంపట్టి
వంతుల వారీగా సంతలో
సరుకుల్లా ... మత్తు పదార్థాలకు
మనుషుల్ని బానిసలు చేస్తుంటే
మానవతా సంతకం ఎక్కడి నుండి
మొదలెట్టాలి ? ....
అంగవైకల్యంలా పాలనలు
అంగడి సరుకై అమ్ముడుపోతుంటే ...
బాకారాయుళ్లయ్యిన బంధు మిత్రుల
శిరో భారములతో .... దమ్మున్న దళారీలు
అరాచకాలకు గొడుగులు పడుతూ
ఆసరాగా నీడలు కోరుతుంటే …
ఎవరిని అడగాలి....
నగునూరి రాజన్న
No comments:
Post a Comment