ముఖం చాటేయకు
తేది : 09-06-2022
శీర్షిక : మల్లె పరిమళం…
కవిత సంఖ్య : 917
వెన్ను చూపని ఎన్ని సామర్థ్యాలో...
చేయి చేయి కలిపి చెర…బోతేనే....
మేలి రకమైన సానబెట్టిన వజ్రంగా
సంఘంలో నువ్వు గౌరవింపబడుతున్నావు ...
ప్రత్యక్షంగా కొమ్మలు రెమ్మలైన
మీ అమ్మా నాన్నలను నువు కనవచ్చు.... కానీ
వేర్లు లాగేసుకున్న
అవనిలోని
పదనులా
పరోక్షంగా సంఘ సభ్యుల బాహువులే..
అందలాలు ఎక్కగానే... ఎవరికీ
అందకుండ ఆలోచనచేసే
ఎంతో మందికి అర్థమైనా
అర్థం కానట్టు నటించే తత్వమే...
రాజైనా మంత్రైనా ఏ పాలకుడైనా…
ఎప్పటికి నీకు నీవే..ఒక్కడివే గొప్పనుకోకు....
అధికారం కట్టబెట్టగానే ముఖం చాటేయకు..
కాలం ఎన్నటికీ ఒక్కలా ఉండదు…
ఓడలు బండ్లయి… బండ్లు ఓడలైన
దాఖలాలనేకం .....
ఎత్తుమీద కూర్చుండబెట్టిన
చేతులే ఎత్తేయడానికి ఎంతో
సేపు పట్టదు.. కాలం కలిసి రాకపోతే...
కాలగర్భంలో కలిపేసుకుంటుంది..
ఒకరికొకరు తోడైతేనే వసుధపైన సుగంధాలు
మల్లె పందిరి నల్లుకున్న పరిమళాలు...
అది గమనిస్తే ఆనంద నందనం..
అదే మానవ జీవన సౌరభం…
నగునూరి రాజన్న
No comments:
Post a Comment