హృదయాద్దాం
తేది: 26-05-2022
శీర్షిక : సానుకూల వైఖరి ...
కవిత సంఖ్య : 129+7
లెక్కలేనన్ని అనుభవాల సారం
పక్కాగా పాటిస్తే అవదా సానుకూలం
యథా ఆలోచనా విధానం
తథా సమాజ ఆరోగ్య సూత్రం .....
సానుకూల వైఖరి పాటిస్తే
పొరుగు క్షేమాలతో పాటు
పొందు లాభాలు స్వయంగా
సంఘమంతా సస్యశ్యామలమే ....
పరుగెత్తి పాయసం తినేకన్నా
నిలబడి నీళ్లు తాగడం మేలు ....
ఒక్క క్షణం ఓపిక పడితే
ఉపద్రవాలను అరికట్టవచ్చు ...
శాంతం సహనం క్షమ
శంక లేని ఆభరణాలు ...
హేమం లా తణుకులీని
మిల మిలల మెరిసిపోవు ....
అందరు బాగుండాలి
అందులో నేనుండాలి...
నరనరాన అంతర్భాగమైన
హైందవ సదాచారం ....
అన్నపానీయాల అలవాట్లే
మస్తిష్క తెరల మాయలు ....
బుద్ది మంచి సద్ది కడితేనే
ఆలోచనలు ఆచరణకోస్తాయి .....
హృదయ సాగరంలో
ఉద్భవించే అలల సారమే
ఉన్నత విలువలకు
ఊతమవుతుందనేది నిజం ....
నగునూరి రాజన్న
No comments:
Post a Comment