కలల పడవలు
తేది: 19-05-2022
శీర్షిక : ఆలోచనల అంకురాలు
కవిత సంఖ్య : 905
పుట్టి పెరిగిన అలవాట్లో
పరిసరాల ప్రభావమో
పాలకుల వింత విధానాలో
ప్రతివారికి కలలే లక్ష్యాలు
గమన రీతులే గమ్యాల చేరిక ....
మట్టి పిసికిన చేతుల్లో
మాయమౌతున్న పంట గింజలు ...
చెమట చుక్కల్లో తడిపి
ఆరేసుకుంటున్న అంగ వస్త్రాలు....
స్వార్థ సరంగుల సారథ్యంలో
రొమ్ము విరుచుకున్న దళారీల దండు...
పంచభూతాలను పట్టి పీడిస్తూ
పరిహాసాలు చేస్తుంటే .....
మరకత శోభలను మాయం
చేస్తూ .... పుట్ట గుట్ట మట్టి ఇసుకను
కూడా విడవకుండా అంతర్జాతీయాల
విఫణిలో వింతగా బేరాలౌతుంటే ...
కనులు మూసినా తెరిచినా
కలల ప్రపంచమే ఘోషిస్తున్నది ...
నీటి అలలలా ... అతలాకుతలం
చేసినా ... కలల పడవలలో మాత్రం
కమ్మని ఆలోచనల అంకురాలు
జీవం పోసుకుంటున్నాయి ....
వారేం చేశారు .... వీరేం చేశారు ....
కాకుండా .... మనమేం చేయగలమో
నిజ నిర్ధారణలకు .... కలల పడవలే
కమ్మని సోపానాలు ... గమ్యం చేర .....
నగునూరి రాజన్న
No comments:
Post a Comment