నవజీవన పత్రం
తేది : 08-06-2022
శీర్షిక : నియమం ....
కవిత సంఖ్య : 917
అవనిమాతకు తరువే ఆభరణం
పచ్చందాలను మూటగట్టుకుని
పడుచు సోయగాలు ప్రదర్శిస్తూ
భీష్మ ఘీంకారాల గ్రీష్మాలను సైతం
పండు వెన్నెల్లుగా వెదజల్లు
ఫరిఢవిల్లే జీవరాశికి పటుతరముగ ....
కాలమాన పరిస్థితులకు
కట్టుబడిన ఋతువులలో...
శిశిరంలో తలలు దులుపుకున్నా
చిత్రంగా వసంతంలో చిగురిస్తాయి ....
విశ్రమించని చక్రంలా కదిలిపోయే
కాలము ..ప్రకృతిలో పల్లవించే పదనిసలే ...
మానవాళి జీవనానికి అన్వయించే
బహు మంచి సోదాహరణం...
తరాలు కదిలిపోతూంటేనే
వరాలు విశ్వ మానవాళికి .... నవతరం
యువతరం చిగురించి వెలుగొంది
కాలమనే తరువు కొమ్మలలో
నవజీవన పత్రాలై పొదుగుతాయి...
అదే సహజ కోమల సౌందర్యం
ప్రకృతి మాత అకుంఠిత నియమం
అదృశ్య శక్తి శాస్త్రీయ సూత్రం ....
అదే అనాదిగా వస్తున్న సందేశం ....
నగునూరి రాజన్న
No comments:
Post a Comment