గేయం
తేది: 22-05-2022
శీర్షిక : నిజం నిప్పు కణిక
కవిత సంఖ్య : 129+5
ఉలుకెందుకు సోదరా
ఉన్నమాటలన్నందుకే ....
కదం తొక్కి స్వాతంత్య్రం
కలివిడిగా సాధించాం …
కలో గంజో కలిసి మెలిసి
కాలం వెల్లదీద్దామనీ ....
కడివెడు కపటాలను
కాలకూట విషంలా ....
కంఠమందు బంధించి
కబోదిగా నటించావే .. // ఉలు //
చాపకిందనీరులా
చదునుచేస్తూ వచ్చావు...
చకోర పక్షులై నేడు
చర్నకోల ఝళిపిస్తే…
సాంకేతిక కూడలిలో
సంధికాల సమయంలో...
అరువదేండ్ల పాపాలను
అవపోశన పట్టగనే .... // ఉలు //
శత విధాలా హతవిధిగా
దశాబ్దాల చరితలే …
జరిగిన ఫలితాలకు
సాక్ష్యాలై నిలిచె నేడు....
ఆరు పదులు అణిచినా
అడియాసలే ఆశలు ...
నిజం నిప్ప కణికేలనని
నిరూపితం మరోసారి..... // ఉలు //
భౌతికంగా బాధలన్నీ
భరించింది వాస్తవం ....
చరిత వార్తల చక్కర్లకే
వశపడకుంటే ఎలాగ ....
కాలమెప్పుడు త్రాసులా
సరదాలు తీర్చును .....
కదిలికదిలి తనకుతానే
సరిచేసుకుంటుంది .... // ఉలు //
నగునూరి రాజన్న
No comments:
Post a Comment