ఆశాదీపాలు
తేది: 18-05-2022
శీర్షిక : భరతభూమి ఆశాదీపాలే ...
కవిత సంఖ్య : 129+4
అనావృష్టితో అలమటించినా
అతివృష్టితో చేతికందొచ్చిన
పంట మట్టి కొట్టుకుపోయినా ....
పదే పదే పలువిధాల ప్రకృతి
కన్నెర్రజేసినా ... పాలకుల చేతిలో
పావులుగా మారినా .... ఆశావాదిగా
రుధిరం స్వేదం చేసుకుని... అందరి
కడుపులు నింపే హాలికుడైనా ....
కనిపెంచిన తల్లితండ్రులను ...
కట్టుకున్న జీవిత భాగస్వామిని ....
కన్న పిల్లలను కాలానికి వదిలి ...
దేశ క్షేమమే ఉఛ్వాస నిశ్వాసలుగా
ఊపిరి బిగపట్టుకున్న సైనికుడైనా ....
అందలాలపై కూర్చునే పాలకులైనా .
అందకుండ పనిచేసే అధికారులైనా ...
ఢంకా బజాయించి రొమ్ము విరుచుకుని
చెప్పగలిగే శారీరక శ్రమ వీరులైనా ...
కాని కాలంలో ... కంటకమైన
సూక్ష్మక్రిమితో ... బతుకు పందెముపై
భారమిడి .... పోరాడిన సగటు జీవులను ....
జీవిత కాలపు సంపాదనలు
ధారపోయించుకున్న ... ధవళ వస్త్ర
ధారులైనా .....
బింకముగా చదువులు వెలగబెట్టి
బొంకుటయే మా నిత్యకృత్యమంటూ
న్యాయదేవత కళ్ళకు గంతలు కట్టిన
నిలువెల్లా నల్ల గౌనుల న్యాయపతులైనా ....
అందరూ మన భరతభూమి ఆశాదీపాలే ....
నగునూరి రాజన్న
No comments:
Post a Comment