అనాహత
తేది: 25-05-2022
శీర్షిక : గురు బోధనలే ...
కవిత సంఖ్య : 909
కలి మాయల ప్రభావమో
కాల మహిమల ఫలితమో
మర్కట ఛాయల దోషమో
మత్తు నీడల పరిణామమో ...
బాధల బోధనలు స్వయంగా
అనుభవిస్తూ కూడా ...
పొరుగుల చీల్చి చెండాడే తత్వ
సమాజంలో....అనాహత
హృదయాలు కానరావేమో ....
సూక్ష్మంగానైనా గాయ మోక్షం
పొందని మనిషి మనుగడ ఉండదేమో ....
అయినా .... మలినాన్ని మనసుకు తీసుకోక
మహిమాన్వితమై కమలంలా ఎదగాలి ....
హాలికుని స్వేదం చిందగానే
చిత్తడి నేల కూడా చిగురించినట్టు
మూలనున్న ముడి సరుకులు
శిల్పి చేత మూర్తీభవించిన విధముగా ...
ఓటములైనా...గాయాలైనా... బాధలైనా ...
గురుబోధనలుగా స్వీకరించగలిగితే
విజయాలకు నిచ్చెనలై... దిగ్విజయ
శిఖరాలను చేర్చగలవు ....
నగునూరి రాజన్న
No comments:
Post a Comment