ప్రత్యేక కవిత
29-08-2019
మాతృ భాష మన తెలుగు బాష
గాలి నీరు ఆహారం ప్రథమం
ఆచ్చాదన ఆవాసం ద్వితీయం
భాష భావం తృతీయం మనిషి మనుగడకు
అన్నీ కలిస్తేనే సంస్కృతి సంప్రదాయం......
అచ్చులతో అంతమయ్యే అందమైన భాషకు
కృష్ణా గోదావరులనావరించిన త్రిలింగ పూర్వం
గాథా సప్తశతి లోన ఆనవాళ్లయిన చారిత్రకం
రెండు వేల సంవత్సరాల సుదీర్ఘ ప్రయాణం ....
శాసనాలు సాహిత్యాలు ఆయు ప్రమాణాలు
వ్యాకరణం చందస్సులే మార్గదర్శకాలు
పురాణ ప్రబంధాలు ఉన్నత సాక్ష్యాలు
గ్రాంధీక వ్యావహారికాలు జాతి సులభాలు...
జాతీయాలు సామెతలే పరిపుష్టాలు
విజ్ఞాన వినోదాల పొడుపుకథలు
అచ్చమైన ప్రాంతీయాల కలుపుగోలు
స్వచ్ఛమైన భాషపైన అభిమానానికి
అష్టావధానం శతావధానం నేత్రావధానం
అంగుష్టావధానం అక్షర సంఖ్యవాదనం
చిందు యక్షగానం ఒగ్గు కథ జావళీలు
జానపదాలు బుర్రకథలు నాటకాలు
వివిధమైన కళలు వింత ప్రాణనాడులు భాషకు ...
ఆది మూడవది గుర్తింపబడిన
అత్యంత పురాతన భాష
అందిద్దాం చేయూతను
ముదితముగా ముందు తరాలకు....
నగునూరి రాజన్న
కరీంనగర్ (ప్రస్తుతం: USA)
No comments:
Post a Comment